التخطي إلى المحتوى الرئيسي

بدايتي


في أحلام الصبا والشباب كنت أتمنى أتزوج ويرزقني الله طفل و أُربيه تربية مميزة كده زي رجل المستحيل ، عنده أخلاق ومبادئ وإنتماء .
بعد سنين كتير وعلى أرض الواقع اكتشفت أن التربية مش بالبساطة دي ، ما فكرتش أبداً في أي مشاكل ممكن تعطل تحقيق أمنيتي ولا كمان كنت خططت إزاي أحقق اللي باتمناه ، كنت قليلة الخبرة والوعي بأمور كثير ، ودا خلاني أنشغل وقت طويل بمشاكلي الزوجية و أُمنيتي القديمة كانت بتختفي ،حتى أبسط الأمور التربويه أصبحت صعبة عليا ،لاني كنت حامله هم تاني مفيش له حل واضح .
ولأني كنت أحب القراءة وشغوفه بالبحث في معرفة النفس البشرية ومكنوناتها بدأت أبحث في أسباب الخلافات الزوجية كنت عاوزه أتخلص من مشاكل معطلة كل حياتي وأثرت على أسلوب تعاملي مع أولادي وطريقة تربيتي لهم .
أكتشفت أن أصل الخلافات الزوجية راجع للطريقة اللي تربى بها الزوجين في الطفولة واللي كانت سبب في وضع البذرة الأولى لشخصياتهم ،وبالتالي طريقة حلهم لمشاكلهم البسيطة اللي بتكبر وتبقى جبال صعب تحريكها ،
فقررت أدرس أكثر دراسة علمية لمعالجة البذرة واللبنه الأولى لتكوين الشخصية وهي "تربية طفل"
وبدأت تدريب كثير من الأمهات لفهم وتربية أولادهم ، وإزاي يعالجوا الخلافات الزوجية اللي ممكن تأثر على حياتهم، وبفضل الله قدرت اني اعمل فرق في حياة ناس كتير كان عندهم مشاكل مشابهة واساعدهم يحلوا المشاكل دي ويقدروا يواجهوا اي مشاكل تانيه بعد كدا ويتعاملوا معاها بطريقة صحيحة.
وأرجوا من الله أن يجعل لي أثر في حياة سعيدة مستقرة للجيل القادم وان يتقبل عملي .

د.صباح عبد المنعم

تعليقات

المشاركات الشائعة من هذه المدونة

The Map And The Plan

  دي هيام 👩‍👦‍👦 طول الوقت بتحضر محاضرات و كورسات في التربية و تقرأ وتسمع وممكن تساعد أي أم تعاني من أولادها . بتقول لها كلام من اللي إتعلمته علشان تفهمهم وتتعامل معاهم صح. لكن هيام وقت التطبيق مع أولادها مابتلاقيش النتيجة المتوقعة🤦‍♀️ وتنهار هيام وربما تلجأ للعقاب الشديد وربما الضرب وتفكر أن كلام التربية اللي تعلمته دا كلام فارغ😔 ياترى ليه هيام مش بتستفيد من كل اللي إتعلمته إلا بنسبه قليلة ؟؟ 🔴هتعرفي ليه معانا من خلال برنامج مكون من 24 ورشة عملية ⚠️ايه اللي بيميزنا عن غيرنا وليه البرنامج ده هو الانسب لكل ام؟ ◀️لأنه مش كلام نظري وبس، احنا هنساعدك تفهمي اكتر فطرة طفلك واحتياجاته وتحلي بنفسك المشاكل اللي بتواجهيها معاه✅ ◀️هدفنا الاول هو تنشئة طفل متزن ، سوي نفسياً وذو شخصية قوية وناجحة✅ ◀️هنساعدك تعرفي سبب كل سلوكياته المزعجة والطريقة الصحيحة للتعامل معاها✅ ◀️هنعرف المشكلة فين وايه سببها ونساعدك تحليها بشكل عملي ونتابع معاكي لحد ما نوصل للحل الجذري للمشكلة بإذن الله✅ ◀️هنحل مشاكلك بشكل خاص جدا فلو عندك ظروف مختلفة خاصة بيكي إذا البرنامج دا هو الانسب ليكي✅ ◀️كمان مش بنغفل ...

فن المدح والثناء

  فن المدح والثناء هل تمدحين طفلك بشكل صحيح ومؤثر ؟ غالبا بيكون المدح للطفل مبالغ فيه وبألفاظ أسطورية وبتحس الأم أنها كده بتعمل أفضل ما في وسعها لتحفيز ابنها وتشجيعه على الأستمرار في عمل التصرف المرغوب  لكن ما يحدث العكس المديح المبالغ فيه يقتل الهمه ويجعل الطفل يرى أنه فعل واجبه وزيادة مما أرهقه وأثقل عليه فيترك الفعل  ويزهد في ألقاب المدح  هل معنى كده أترك المدح ؟  لا طبعا مطلوب المدح والثناء ولكن نفهم ازاي نمدح الطفل وامتى نمدحه  بدل ما أقول أنت عبقري على حله لمسألة حساب عادية  أو أقوله أنت بطل علشان أكل وجبة غداء  أقول أحسنت  أنت كده أستفدت بكذا وكذا  أقنع عقله أنه بيعمل لمصلحته هو وليس للاستعراض والحصول على الثناء والمدح  في حديث للرسول صلى الله عليه وسلم بيقول (اياكم والتمادح فإنه الذبح) والتمادح هو شدة المدح وذلك لما له من أثر سئ في النفوس  دمتم بخير  صباح عبد المنعم

حكمة الحية

  من الحكايات المروية أن حية أرهبت الأطفال في إحدى القرى ، فذهب عجائز القرية للحديث مع الحية ورجوها أن تمتنع عن لدغ الأطفال . فوافقت الحية ، وسارت الأمور جيداً. وكان الأطفال يتمتعون كل يوم باللعب خارج بيوتهم ثم يرجعون وهم يشعرون بالسعادة والأمان. ثم ذهب العجائز لتقديم الشكر إلى الحية ، فوجدوها مضروبة مصابة بكدمات ، وكانت مقيدة في الشباك . فلما سألوها عن الأمر قالت : " لقد طلبتم مني الأمتناع عن لدغ الأطفال "فقالوا : لقد طلبنا ذلك حقاً ولكنا لم نطلب منك الإمتناع عن الفحيح . -------------------------------- إن من الأمور المهمة أن تعبر عن جميع مشاعرك ، وتشمل المشاعر المحزنة لأن إنطلاقها يؤدي الى فقدان سلطانها عليك ، وتعجز عن تقيدك في الشباك بعد ذلك . د.صباح عبدالمنعم