دخل العيادة النفسية وهو مطأطأ الرأس😔
قلت : تفضل يا ملاكي الصغير عندك كام سنة ؟
ملاك: ٩ سنوات
قلت : زعلان من إيه؟
ملاك : ينفع أختار ماما وبابا تانين أغيرهم يعني ؟
قلت : وليه حابب تغير باباك ومامتك؟
ملاك : عاوز
بابا وماما عاقلين ومش بيتخانقوا كتير .
ينفع يادكتور قول ينفع لو سمحت 😔
أنا تعبان أوي ومش عاوزهم خلاص .
أنا بأنام أحلم بيهم وهما بيزعقوا وكتير أصحي من النوم ألقاهم لسة بيزعقوا.
وبابا يقوم رازع الباب وينزل 😟
وماما ممكن تكمل شوية زعيق مع نفسها،ولو كلمتها تفضل تزعق بردوا حتي لو
بأقول لها صباح الخير.
وبتحصل مشكلة كبيرة لو وطلبت منها حاجة.
بتصب كل غضبها عليا 🤷.
طيب انا عملت لها إية ؟؟ أنا كنت نايم أصلا
باقعد متضايق جدا يادكتور والشيطان يلعب في دماغي
ألاقي إيدي إتمدت علي أي حاجه أتسلي بيها👹
و أدور علي كل حاجة قالتلي عليها ماما ممنوع وأعملها .
ما أنا زهقان بقي وجو النكد ده ببقي عاوز أخلص منة.
أقعد أفكر أكلم ماما في أي حاجه علشان أشوفها بتضحك وأطمئن أن النكد خلص 👩👦
تقوم مزعقالي تاني من غير أي سبب 😳.
والغريب بقي أنها تمسك التليفون وتقعد تتكلم
وتقول عن بابا كلام وحش جدا .
وأنا بأسمع الكلام ده وبأزعل منها أوي لان دا بابا وبازعل
كمان من بابا لأنه زعل ماما.
مش عارف يادكتور أعمل إية انا عاوز بابا وماما تانين
قلت : ممممممممم ماتقلقش يا ملاك بابا وماما مش
هنعرف نغيرهم لان ربنا هو اللي أختارهم لك .
إنما ممكن يتعلموا إدارة خلافاتهم.
وأنت كمان تقدر تساعدهم .
ملاك :أنا 👶ازاي ؟
قلت : توجيه الكبار لشئ مضايقك مهارة هتقدر تتعلمها وتقدر تعبر عن مشاعرك من غير ما تسئ الأدب معاهم.
____
لكل أب وأم
أنتم مش متخيلين أولادكم إزاي بيعانوا من خلافاتكم
وبيحسوا بإيه
أنتم بعد شويه ممكن تتصالحوا وتنسوا اللي حصل لكن أولادكم مابينسوش اللي حصل ولا المشاعر اللي تكونت داخلهم من غضب ورفض للحياة معاكم بتنتهي ، وبعد كده بتشوفوا منهم سلوكيات ناتجه عن مواقف الخنااقات بتاعتكم أمامهم وتعاقبوهم عليها
د.صباح عبدالمنعم
تعليقات
إرسال تعليق