اول صورة تتكون في ذهن القارئ لجملة "الوسواس القهري" هي صورة الشخص اللي بيغسل يده عشرات
المرات بشكل متكرر
او صورة الشخص اللي عنده وسوسه من الفيروسات والأمراض المعدية بشكل غير منطقي .
كل ده صحيح
لكن في حاجات تانية مرتبطة بالوسواس القهري (OCD) بتكون موجودة عند ناس كتير وما بيعرفوش أنها اضطراب أو محتاجين علاج
زي الاشخاص اللي عندهم حب الاقتناء لأي شئ وكل شئ بشكل قهري يعني ما بيقدروش يتحكموا في نفسهم أنهم يشتروا حاجات
سواء لها قيمة أو ما لهاش قيمة
المرض هنا مش بس في رغبة الشراء الملحة ولكن في عدم القدرة على التفريط في أي حاجة من الحاجات اللي جمعوها مهما كان وجودها سبب في مشاكل ليهم
المرض دا اسمه اضطراب الاكتناز (H.D)
في نوع تاني من الوسواس القهري هو أن الشخص يهتم بتفاصيل دقيقة في جسمه أو ملامح وجهه ويركز عليها ويكاد يقيسها بالمسطرة رغبة في الحصول على تناسبها وتناسقها
ويقف الشخص ساعات وساعات أمام المرآة للتأكد من التناسق ده مركز بس على جزء محدد من جسمه
المرض ده اسمه اضطراب تشوه الجسم (BDD)
الثلاث اضطرابات بيشتركوا في صفة التكرار وصفة القهر أي أن الشخص ما بيقدر يتحكم في نفسه أنه ما يعملش التصرفات دي بشكل متكرر.
د.صباح عبدالمنعم
تعليقات
إرسال تعليق