التخطي إلى المحتوى الرئيسي

فلسفة العلاقات نتعلمها من قصة هدهد سليمان

 فلسفة العلاقات نتعلمها من قصة هدهد سليمان

--------------------------------------------------
قصص القرآن الكريم مش تسليه وسرد وخلاص لما نحب نحكي القصص لازم نعرف ان وراها حكمة نتعلمها ونعلمها لأولادنا .
قصة هدهد سليمان بدايتها (وَتَفَقَّدَ الطَّيْرَ) سؤال عن الهدهد ودا حصل امتى _لما تفقد الطير_ يعني سيدنا سليمان من عادته *كشخص مسؤل *هو تفقد رعيته تفقد من هم في مسؤليته . بيسأل عن كل فرد في مملكته .
---------------
كتير من البيوت حالياً ممكن الأب مايشوفش أولادة لأيام لانه بيرجع البيت وهما نايمين ويخرج وهما نايمين أو في المدرسة .
أو يشوفهم وقت قصير وبيكون تعبان زهقان معندهوش طاقة يسمع حد فيهم وكمان الأم ممكن تعدي أيام الاسبوع كلها وهي ما تعرفش من أخبار أولادها شئ الا انهم أكلوا -عملوا الواجبات- ناموا .
--------------------------
رد فعل سيدنا سليمان كان الغضب الطبيعي ولكن بحكمة قال (لَأُعَذِّبَنَّهُ عَذَابًا شَدِيدًا أَوْ لَأَذْبَحَنَّهُ أَوْ لَيَأْتِيَنِّي بِسُلْطَانٍ مُبِينٍ )
يعني ه يتعاقب إلا لو كان عنده عذر لغيابه .
ولما وصل الهدهد وعرف بغضب سليمان لغيابه عمل ايه ؟
ما ارتعبش وخاف وراح يعتذر .
ما طلبش العفو والسماح خوفا من العقاب .
ولكنه (فَمَكَثَ غَيْرَ بَعِيدٍ) وقال بكل عزة ايه هو سبب غيابه (أَحَطْتُ بِمَا لَمْ تُحِطْ بِهِ)
يعنى جبت لك خبر ما تعرفهوش رغم كونك نبي .
-------------------------------
سبحان الله لو حد اتكلم مع والده او رئيسه في العمل كده بنفس الفاظ الهدهد مع سليمان هيعمل معاه ايه في موقف هو منتظره علشان يعاقبه ؟
------------
لكن الهدهد حاسس بالأمان لأنه يثق في حكمة النبي سليمان والحكيم لا يغضب لنفسه ومكانته بدون النظر الى الهدف الأعظم .
وبدأ بكل ثقة يسرد القصة بدقة واختصار وذكر قلب الموضوع (وَجَدْتُهَا وَقَوْمَهَا يَسْجُدُونَ لِلشَّمْسِ مِنْ دُونِ اللَّهِ)
دي القضية اللي تشغل العظماء مش توافه الأمور .
ورد سليمان عليه رغم انه جاء بخبر يقين زي ما قاله ما كانش رد انفعالي بالموقف أو أصدر قرار سريع بناء على كلامه
وكمان ما كذبهوش وقاله أنت بتقول كده علشان تخلص من العقاب على غيابك .
انما كان رده (سَنَنْظُرُ أَصَدَقْتَ أَمْ كُنْتَ مِنَ الْكَاذِبِينَ)
يعني هنتأكد من كلامك ده علشان بعد التأكد نبدأ نتحرك .
--------------------
للاسف كتير من الناس لما يسمع خبر علطول ينقله أو ينفعل لمجرد سماعه ويتصرف على أساس ما سمع بدون اي تحقيق فيه ولما تسأله عرفت من اين ؟ يقولك سمعت أو قرأت الخبر على الفيسبوك .
طيب وانت رأيك ايه ؟ صدقت ليه ؟ أو رفضت تصدق بردو ليه؟
----------
قصص القرآن وأيات القرآن فيها علم نتعلمة مش حكايات نحفظها ونرددها وبس
دمتم بخير
صباح عبد المنعم

تعليقات

المشاركات الشائعة من هذه المدونة

The Map And The Plan

  دي هيام 👩‍👦‍👦 طول الوقت بتحضر محاضرات و كورسات في التربية و تقرأ وتسمع وممكن تساعد أي أم تعاني من أولادها . بتقول لها كلام من اللي إتعلمته علشان تفهمهم وتتعامل معاهم صح. لكن هيام وقت التطبيق مع أولادها مابتلاقيش النتيجة المتوقعة🤦‍♀️ وتنهار هيام وربما تلجأ للعقاب الشديد وربما الضرب وتفكر أن كلام التربية اللي تعلمته دا كلام فارغ😔 ياترى ليه هيام مش بتستفيد من كل اللي إتعلمته إلا بنسبه قليلة ؟؟ 🔴هتعرفي ليه معانا من خلال برنامج مكون من 24 ورشة عملية ⚠️ايه اللي بيميزنا عن غيرنا وليه البرنامج ده هو الانسب لكل ام؟ ◀️لأنه مش كلام نظري وبس، احنا هنساعدك تفهمي اكتر فطرة طفلك واحتياجاته وتحلي بنفسك المشاكل اللي بتواجهيها معاه✅ ◀️هدفنا الاول هو تنشئة طفل متزن ، سوي نفسياً وذو شخصية قوية وناجحة✅ ◀️هنساعدك تعرفي سبب كل سلوكياته المزعجة والطريقة الصحيحة للتعامل معاها✅ ◀️هنعرف المشكلة فين وايه سببها ونساعدك تحليها بشكل عملي ونتابع معاكي لحد ما نوصل للحل الجذري للمشكلة بإذن الله✅ ◀️هنحل مشاكلك بشكل خاص جدا فلو عندك ظروف مختلفة خاصة بيكي إذا البرنامج دا هو الانسب ليكي✅ ◀️كمان مش بنغفل ...

فن المدح والثناء

  فن المدح والثناء هل تمدحين طفلك بشكل صحيح ومؤثر ؟ غالبا بيكون المدح للطفل مبالغ فيه وبألفاظ أسطورية وبتحس الأم أنها كده بتعمل أفضل ما في وسعها لتحفيز ابنها وتشجيعه على الأستمرار في عمل التصرف المرغوب  لكن ما يحدث العكس المديح المبالغ فيه يقتل الهمه ويجعل الطفل يرى أنه فعل واجبه وزيادة مما أرهقه وأثقل عليه فيترك الفعل  ويزهد في ألقاب المدح  هل معنى كده أترك المدح ؟  لا طبعا مطلوب المدح والثناء ولكن نفهم ازاي نمدح الطفل وامتى نمدحه  بدل ما أقول أنت عبقري على حله لمسألة حساب عادية  أو أقوله أنت بطل علشان أكل وجبة غداء  أقول أحسنت  أنت كده أستفدت بكذا وكذا  أقنع عقله أنه بيعمل لمصلحته هو وليس للاستعراض والحصول على الثناء والمدح  في حديث للرسول صلى الله عليه وسلم بيقول (اياكم والتمادح فإنه الذبح) والتمادح هو شدة المدح وذلك لما له من أثر سئ في النفوس  دمتم بخير  صباح عبد المنعم

حكمة الحية

  من الحكايات المروية أن حية أرهبت الأطفال في إحدى القرى ، فذهب عجائز القرية للحديث مع الحية ورجوها أن تمتنع عن لدغ الأطفال . فوافقت الحية ، وسارت الأمور جيداً. وكان الأطفال يتمتعون كل يوم باللعب خارج بيوتهم ثم يرجعون وهم يشعرون بالسعادة والأمان. ثم ذهب العجائز لتقديم الشكر إلى الحية ، فوجدوها مضروبة مصابة بكدمات ، وكانت مقيدة في الشباك . فلما سألوها عن الأمر قالت : " لقد طلبتم مني الأمتناع عن لدغ الأطفال "فقالوا : لقد طلبنا ذلك حقاً ولكنا لم نطلب منك الإمتناع عن الفحيح . -------------------------------- إن من الأمور المهمة أن تعبر عن جميع مشاعرك ، وتشمل المشاعر المحزنة لأن إنطلاقها يؤدي الى فقدان سلطانها عليك ، وتعجز عن تقيدك في الشباك بعد ذلك . د.صباح عبدالمنعم